廸欣湖

最近看到有兩個blog友介紹廸廸尼附近的廸欣湖，返公司問了幾位同事，竟然冇人去過！我有一段時間更天真的以為廸廸尼入口嗰個噴水池就係。趁有個黃金週末，決定去視察一下。勢估唔到香港會有個咁外國feel嘅地方，而且環境相當優美，無論繞著湖邊散步，踏單車，影相，觀賞花卉，坐响草地野餐，閱讀寫生，拍拖幽會，甚至拍婚紗照，想點都得，確實係一個很好的地方，遠離繁囂，尋找安靜，俾自己呌呌氣嘅難得空間。

沿途見到各式各樣的花木已是目不暇給，其實仲有一個植物園，下次再去至得。

黃昏時份，又是另一番景象。